Anggo sai tong huingat-ingat ija asal mulak tong au huhutaku tanoh simalungun na lambut sai taringat do tong ahu bani podah-podah ni namatua min. Dear-dear ho marsikolah ambia, bujur-bujur janah hormat bani namatorasmu. Tapi sipata buei do lepak salahku nalang hu ihutkon songon hata ni podah in. Tikki namulak au, naparlobei irohop do au sipata sol tartangis diri, tapi halani marfikir do diri sipata ai ahu domma magodang ai ulang be namin tangis tapi boi ma marbaggal ni uhur diri, sai poltik ma homa hu rohop inangkin pakon bapak kin. Buei ni hasiholan diri bani orang tua, hasoman, pakon juma. Taringat au hujuma iananni au etek-etek marguro-guro, sombuh do namin pargoluhan tapi ibahen sombuh in do diri ase roh toruh maruhur. Podah ni orangtua kin anggo bayak holi ho bapa ulang ma songon halak-halak nalegan in na domma bayak, halani habayakonni ia gabe gijang paruhuranni janah lupa bani tanoh hatubuhanni. Buei do bapa halak gorannon ni mando halak simalungun tapi parlahouni lang be simalungun, buei do homa na maila gabe halak simalungun. Ulang ma songon halak-halak in ho bapa sonin matong nini orang tuakku sanggah na makkorja ijumain. Sanggah acara Tahun baru pastini dotong ai mambahen hasumba janah lang homa lupa bani dayok nabinatur itambah homa podah-podah na sihol mambahen uhur tartangis, Sai taringat dotong ahu dabah parbohini orang tuakkin sanggah namambere podah-podah in. Bani acara pamisirhin hu parantouan sai ipodah podahi dohoma. Ulang Lupa ho I huta mon bapa ai ijon doho magodang nini. Sipata tarsihol tong diri mulak huhuta, hujuma riap pakon namatoras diri janah manangi-nangi podah na ibere ni sidea hubani diri. SIMALUNGUN TANOH HASUSURANKU